CaixaBankek eta Microsoftek Espainiako STEM (Zientzia, Teknologia, Ingeniaritza eta Matematika) unibertsitate-graduetako 16 emakumezko ikaslerik onenak saritu dituzte WONNOW sariekin. Aurtengoa zortzigarren edizioa duten sari hauek STEM arloetako ikasketak egiten dituzten emakumeen bikaintasuna nabarmentzen dute, proportzionalki emakumeen presentzia urria duten esparru horietan genero-berdintasuna sustatzeko asmoz.

2018ko lehen ediziotik, Espainia osoko 5.922 ikasle aurkeztu dira WONNOW sarietara, eta kopuru horrek argi uzten du deialdia finkatu egin dela unibertsitatearen esparruan. Azken edizio honetan, eutsi egin zaio parte-hartzaileen kopuruari: Espainia osoko unibertsitateetako 1.080 hautagai izan dira.

Espediente akademiko onenak

2025ean, espediente akademiko onena eta ibilbide profesional, pertsonal eta sozial onena izan dituen ikaslea Marta Sierra Obea (Monzón, Huesca) izan da; gradu bikoitza egiten ari da Datuen Zientzia eta Ingeniaritzan eta Telekomunikazioen Teknologiako Ingeniaritzan, Madrilgo Karlos III.a Unibertsitatean, eta 10.000 euroko sari ekonomikoa eta Microsoften mentoring programarako sarbidea lortu ditu.

Beste 15 ikasle saridunek CaixaBank Taldean lan egin ahal izango dute sei hilabetez lan-kontratu batekin, arlo garrantzitsu batean (Negozioa, Finantzak, Arriskuak, Digital Transformation & Advanced Analytics, Baliabideak eta Jasangarritasuna, besteak beste), eta Microsoften mentoring programan ere parte hartuko dute. Hauek dira saridunak:

• Irene Lacabe Artázcoz (Nafarroa). Fisikako Gradua ikasi du Zaragozako Unibertsitatean.
• Paula Esteban Carrillo (Madril). Ingeniaritza Biomedikoko Gradua eta Telekomunikazio Sistemen Ingeniaritzako Gradua biltzen dituen titulazio bikoitza egiten ari da Madrilgo CEU San Pablo Unibertsitatean.
• Marina Tombas Suñé (Alcover, Tarragona). Matematikako Gradua amaitu du Bartzelonako Unibertsitate Autonomoan.
• Eliani Álvarez Herrera (Kuba/Lleida/Bartzelona). Gaur egun Informazioaren Teknologien Informatika Ingeniaritzako Gradua egiten ari da Elxeko Miguel Hernández Unibertsitatean.
• Pinar Sacristán Matesanz (Madril). Gradu bikoitza ikasten ari da Informatika Ingeniaritzan eta Matematikan, Madrilgo Unibertsitate Autonomoan.
• Ana Álvarez Clúa (Zaragoza). Industria Sistemen Ingeniaritzako Gradua egiten ari da Madrilgo Francisco de Vitoria Unibertsitatean.
• Laura Pedro-Botet Ezquerra (Bartzelona). Ingeniaritza Fisikoko Gradua egin du Kataluniako Unibertsitate Politeknikoan, eta Data Analytics for Business izeneko masterra egiten ari da Pompeu Fabra Unibertsitatean (Barcelona School of Management).
• Lucía García Salido (Montilla, Kordoba). Informatika Ingeniaritza-Informatikako Teknologietako eta Matematikako gradu bikoitza egin du Sevillako Unibertsitatean.
• Júlia Villaró Cañizal (Solsona, Lleida). Matematikako Gradua egin du, eta Master in Fundamental Principles of Data Science masterra egiten ari da Bartzelonako Unibertsitatean.
• Joana Gutiérrez Gallego (Bartzelona). Telekomunikazio Sistemen Ingeniaritzako Gradua egin du Bartzelonako Ramon Llull Unibertsitatean (La Salle).
• Alba Sánchez Reverté (Tarragona). Informatika Ingeniaritzako eta Bioteknologiako Gradu Bikoitza egin du Tarragonako Rovira i Virgili Unibertsitatean, eta Bartzelonako Unibertsitateak eta Kataluniako Unibertsitate Politeknikoak batera eskaintzen duten Ingeniaritza Biomedikoko Masterra egiten ari da.
• Blanca Bareño Ferrer (Getxo, Bizkaia). Telekomunikazio Teknologiaren Ingeniaritzako Gradua egin du Euskal Herriko Unibertsitatean, Bilbon, eta Telekomunikazio Ingeniaritzako eta Sare eta Zerbitzu Telematikoen Ingeniaritzako Master Bikoitza, Madrilgo Telekomunikazio Ingeniaritzako Goi Eskola Teknikoan.
• Ana Ruiz Martínez (Elx, Alacant). Fisika eta Matematikako Gradu Bikoitza egin du Madrilgo Unibertsitate Konplutentsean, eta unibertsitate bereko Big Data eta AA Masterra egiten ari da, baita Nebrija Unibertsitateko Konputazio Kuantikoko Masterra ere.
• Virginia Herce Casado (Zaragoza). Matematika Aplikatu eta Konputazionaleko Gradua ikasten ari da Madrilgo Karlos III.a Unibertsitatean.
• Jingjing Ye (Txina/Madril). Matematikako eta Informatika Ingeniaritzako Gradu Bikoitza egin du Bartzelonako Unibertsitatean, eta Data Science Masterra egiten ari da Madrilgo Unibertsitate Politeknikoan.

Aurtengo irabazleak WONNOW sarietan aintzatetsitako emakumeen zerrenda luze batean sartu dira. Gainera, aurreko edizioetako 28 saridunek CaixaBank Taldean lanean jarraitzen dute gaur egun.